video 1. գ տեսագիր, տեսագրություն 2. գ տեսանյութ 3. ա տեսային video signal տեսային ազդանշան video content տեսային բովանդակություն video track տեսահետ video CD տեսային ԽՍ (խտասկավառակ) «ԽէՍէ», տեսասկավառակ video file տեսանիշք audio/video գ տեսալսա(նյութ) ա տեսալսային DV ԹՏ «ԹոՏյուն» (Թվա(նշա)յին Տեսանյութ) DVD ԹՏՍ «ԹոՏյունՍէ» (Թվա(նշա)յին ՏեսաՍկավառակ) Դժվար եզր է, քանի որ նշանակվող հասկացությունը սահմանային է՝ «պատկերի», «տեսնելու», «դիտելու» միջեւ։ Նաեւ այն զույգ է կազմում audio բառի հետ, եւ պիտի թարգմանվի մեկ համակարգով։ Բարեբախտաբար, ի տարբերություն audio բառի, լատիներեն video՝ «տեսնում եմ» բառն ի սկզբաանե ճիշտ է թարգմանվել՝ «տես» բառահիմքով։ Թեեւ սա էլ ունի իր բարդությունը, քանի որ «տես» բառահիմքը արդեն իսկ ծանրաբեռնված է «տեսություն» (հուն. Θεωρία, անգլ. review եւ այլն) բազմերանգ բառի գոյությամբ, որի հետ որոշ դեպքերում համընկնում է։ Սակայն, քանի որ շարադրանքը միշտ էլ հուշում է բառի իմաստը, այս անհարմարությունը կարող է անտեսվել։ Հատկապես որ արդեն գոյություն ունի կայացած «հեռուստատեսություն» եզրը։