audio 1. գ լսագիր, լսագրություն, ձայնագրություն 2. գ լսանյութ 3. ա լսային 4. ա ձայնային audio signal լսային (ձայնային) ազդանշան audio content լսային բովանդակություն audio track լսահետ, ձայնահետ audio CD լսային (ձայնային) ԽՍ (խտասկավառակ) «ԽէՍէ», լսասկավառակ, ձայնասկավառակ audio file լսանիշք audio/video գ տեսալսա(նյութ) ա տեսալսային Չափազանց դժվար եզր է, քանի որ նշանակվող հասկացությունը սահմանային է՝ «ձայնի» եւ դրա ընկալման միջեւ։ Նաեւ այն զույգ է կազմում video բառի հետ, եւ պիտի թարգմանվի մեկ համակարգով։ Միեւնույն ժամանակ, քանի լատիներեն audio, ի վերջո, նշանակում է «լսում եմ», ցանկալի է որ թարգամանության հիմքում լինի «լսելու» իմաստը, այլ ոչ թե «ձայնը», որը պիտի թողնվի համապատասխան այլ բառեր թարգմանության համար, օրինակ՝ անգլ. sound, հուն. Φωνή եւ այլն։ Ու թեեւ հայացված Ուինդոուզի առաջին վարկածներում այն թարգմանվել է «ձայն» հիմքով, թերեւս իմաստ ունի շտկել այս թարգմանությունը։ Թեեւ չի բացառվում, որ ինչ որ դեպքերում «ձայն» հիմքով թարգմանությունը միակ հնարավորը կլինի։