add 1. գումարել, ավելացնել 2. հավելել addition 1. հավելում, լրացում 2. գումարում 3. խառնուրդ additional հավելյալ, լրացուցիչ add-in ներառուք add-on հավելվածք addendum հավելված, լրացում Սա ընդհանուր նշանակության պարզագույն բառերից է, եւ թերեւս կարիք չէր լինի այն ներառել այս ցուցակում, եթե բառարաններում անտեսված չլիներ երկրորդ իմաստով բերված թարգմանությունը։ Ավելի դժվար են հաջորդ բառաբարդումները՝ add-in եւ add-on, որոնք գործածվում են հիմնականում համակարգչային ոլորտում։ Սրանց թարգմանությունը դեռեւս հաջողված չէ։ Առաջինը կիրառվում է հիմնականում «հավելյալ ծրագիր», իսկ երկրորդը՝ «հավելյալ սարք» իմաստով։ Առաջինը թարգմանելիս հիմք է ընդունվել «add in» բայի «ներառել» թարգմանությունը։ Երկրոդը՝ առաջինից տարբերվելու համար կազմված է արդեն add-ի թարգմանության հիման վրա։